تركيب محطة الطاقة الشمسية للمنازل المربوطة علي الشبكة بيتم بتنسيق بين الشركة المرخص ليها تركيب محطات الطاقه الشمسية في مصر وشركة توزيع الكهرباء التابع ليها سكنك وده كله من خلال تشريعات حكومية مححدة. من التشريعات دي إن كل عداد بإسم مشترك (يعني مش ممارسه أو عداد كودي أو عداد إنشائي) ممكن يركب محطة طاقه شمسيه فوق سطح يملكه صراحة وليس علي المشاع بالعقد الخاص بالعقار إذا كان العقار مش مخالف.يعني لو عمارة, السطح فيها علي المشاع بين جيران مش هينفع غير بشروط صعب تحقيقها، زي تنازل السكان رسميا لك عن المساحة دي. ملخصاً للأسف مش هينفع الجيران يشتركوا في محطه واحده ولو حضرتك لا تملك السطح صراحة في العقد برده مش هينفع تركب.

محطات الطاقة الشمسية للمنازل المربوطة علي الشبكه قدراتها الأنتاجيه بتبدأ من معدل إنتاجيه شهريه 750ك.و.س ودي محطه صغيره بتحتاج تقريبا 30متر مربع فوق السطح ولكن خيلنا نتفق إن المحطات اللي بتغطي فواتير أقل من 1000ك. واط . س  جدواها الأقتصداديه في إرجاع تكلفتها بتكون أعلي.

التشريع الحكومي الصادر من وزارة الكهربا من خلال جهاز تنظيم مرفق الكهرباء بيحدد أقصي قدرة من محطات الطاقة الشمسيه اللي ممكن تركب علي الشبكة الحكوميه بنسبة 1.5% أو 300ميجاوات موزعة علي الجمهورية، يعني الأجابه: أيوه في حد أقصي وتقريبا وصلت التركيبات في القاهرة الكبري لنصف القدرة المحددة.